أرجوكم ساعدوني تكفون

بسم الله الرحمن الرحيـــــــم
أخباركم يأحلـــى أعضاء المنتدى
أتمنى تكونون بخير




صبآآآكــم ورد وفـــــل وياسمين
مسآآآكــــم بخور وعطور



المهم أنـــــا راح اكتب لكم معاناتي وأبغي منكم
المساعدة --- تكفون ساعدوني ---

أنـا أكبر أخواني أبـوي توفى وأنـا في إبتدائي ومن يوم توفى أبوي ماشفت يوم حلو بحياتي

أمي تحبنا كثير وأحنا بعد نحبها
بس المشكلة أنها عصبية أكثر من الازم يعني على أي شيء تصوت وتظلمني أنا
أي خطأ يسونة أخواني أنا أكون المسؤله عنة
ومأكذب عليكم مامر يوم بحياتي إلا ولازم ابكي فيه

حتى من دون سبب مأشوف إلا دموعي على خدي
لية مأدري

مابغى الا كم يوم على العيد --- هـ وش في العيد
الناس في العيد تلبس جديد – وتعيد وتروح وتجيء

أما انا صج اني البس جديد لاكن مأطلع ولاأروح ولاأجيء
حتى العيد ملل تدرون ليش ^^^^
لأن ابوي مو جنبي
لو كان جنبي على الأقل أقل شيء راح نروح الملاهي
لاتقولون اني كبيرة على الملاهي --- مو شرط اني اركب المهم اتمشى ---

( الله على أيــــام الطفولة ) ياليتها ترجع بس

كنت قبل مأهتم لشيء ولاأفكر بشيء ولا أقول اتمنى هالشيء
لأني كل اللي أتمناة يوصل لعندي بلحظة بس
العيد جاي وبشوف كل الناس فرحانة
وانا شلون افرح وأبوي مو جنبي – كل الناس تروح تتمشى وانا وين اروح مأعندي الا غرفتي
كل عيد أشوف
عيال عمي أخوهم ماخذهم يمشيهم وأنا جالسة أطل من النافذة وميتة من القهر
مأحسدهم لا بس والله فرحانة لهم وبعد قهر هم يطلعون وحنا لا --- حتى بالعيد ^_^
قبل يوم كان ابوي موجود كان اهو اللي يوديهم معانا في يوم العيد مطعم ملاهي أي مكان
كنا بنروحة ياخذهم معانا

حتى الأجازة مالها طعم عندي
قبل الأجازة نقضيها بالسفر اما الحين تافزيون ونت
قبل لما كنا نجلس على الغداء او على العشاء

كان كلا ضحكـ وونآآآآسة
الحين عمري ماضحكت من كل قلبي
لما أجلس على الغداء او حتى على العشاء أحس انة شيء ناقص
شيء حنا نحتاجة جنبنا
اوهــــــــو ( أبـــــــــــــــوي ) الله يرحمة

البيت من دون ركن من أركانة
أكيد راح يهتز ويطيح
وهذا احنا من دون أبوي كان كل خميس يطلعنا الحديقة وهم بعد الجمعة نطلع نتمشى
اما الاربعاء كان حق المذاكرة
اما الحين خميس والأربعاء لعب وجمعة مذاكرة
والله انا متحسفة على كل لحظة مرت بحياتي ماقضيتها مع اغلى انسان عندي
لاكن شيفيد الحسف بعد ماراح الأبو ياناس مكانة عالي
أرجوكم امكم وأبوكم خلوهم قدوة لكم لاتحاولون بيوم انكم تزعجونهم
حاولوا تقضون اكثر ايامكم بقربهم
صدقون ماراح تعرفون قيمتهم الابعدين
الأم لهـــــا مكان كبير
والأب لة ماكن أكبر

تخيلي لمن تبغين تروحين مكان ضروري ومافي حد يوديك ساعتها شنو راح تسوين على تدقين على عمك او عيالة
راح يقولون لك مشعولين
تخيلي يوم العيد لمن تشوفين عيال عمـك يسلمون على ابوهم ويقولون لة

كل عام وانت بخير يأبي
انا شفت هلموقف ومن الظاهر فرحت وقلت
الله يخلي لكم ابوكم ومايحرمكم منة ان شاء الله
اما في داخلي قهر ونار الكل بالعيد يعيد على ابوة
وانا
وين أبوي بهاليوم
والله وانا اكتب لكم معاناتي دموعي على خدي

لما تحتاجين حد يسمعك وتسمعينة يحس فيك
بس للأسف ماتلقينه
شنو راح يصير فيك
استغرب من الوحدة إذا قالت انا مو حيل علاقتي مع ابوي ولما أسألها ليش ؟؟؟ تقول لي استحي
وين الحيا قدام الأبو
انا اتمنى ولو لحظة اشوف فيها ابوي وأحظنة
اتمنى ولو لحظة أقول يبة ويجيني
كلمة يبـــــة
من زمــــــــــــان ماقلتها --- تدرون ليش لأني عارفة اني اذا قلتها ماراح اشوف أبوي يجيني

مثل الثانيه إذا نادت أبوها أجا لها وبسرعة

أنا مأبغي منكم إلا شيء واحــــــد بس تكفون
ساعدوني أقضي على مشكلتي

الا أهي اليأس والملل والتعاسة
عــــــــــــارفة انكم راح تقدرون تغيروني
تكفون لاتخيبون رجائي بكم
اشكر كل من قرأ موضوعي وساعدني ولو بكلمة
( أميرة زماني )

حبيتي اميرة زماني
كلامج مرة مؤثر
صدقيني لمن قريت معاناتيج تضايقت كثير
والله وماني عارفة شنو أقول لج


بس أحمدي ربي ان عندج ام تحبج والله حفظها لج
وإذا كانت عصبية كل أم عصبية مافي أم مو عصبية انتي اذا شفتيها معصبة حاولي
ماتكلمينها
وأي خطأ يسونة اخوانج تكونين المسؤلة عنة شيء طبيعي لانج اكبر وحدة فيهم

وهم ياخذونج قدوة لهم
وتأكدي انج انتي مو وحدج تعانين من هالمشكلة بس حاولي تتغلبين عليها

وهم اقول لج مو اي وحدة راح تفرح بالعيد
في ناس كثار لمن يجيء العيد مايحسون بطعمة

اهو والأيام العادية كلا واحد

والأب مثل ماقلتي مهم وصعب انج تفقدينة بس انتي ادعي لة
صدقيني انة راح يفرح كثير بدعواتج


معاناتج كبيرة ماراح يقدر يفهمها الا اللي عاشها


بس انا اقول لج حاولي تقضين على الملل
بالضحك حتى لو مافي شيء يضحك ضحكي رفهي عن نفسج
ودعي الدموع لاتخلينها تسيطر عليج

كوني قوية واصبري فأن مفتاح الفرج اهو الصبر
وإن شاء الله بيجيء الوقت اللي ربي راح يعوظج عن حنان الأبو اللي فقدتية


اما على ايام الطفولة كلن حاب يرجع لها لأن مافيها تفكير ولاهموم
ولاشيء

نصيحتي لج
انج تعيشين يومج بكل مافية
ولاتفكرين ببكرى الا في وقتة

كوني مبسوطة دائما حاولي تسوين اي شيء يسعدج
صدقيني ساعتها بتشوفين الحياة لها طعم ثاني

بتشوفينها حلوة مثلج ياعمري

واسفة إذا ماكنت عارفة اكتب شيء لان موضوعج اثر فيني كثير
تحياتي لج
همس الخيال

اشكركم

على ردودكم الجميلة

واشكر همس على ردها الاكثر من رائع

عن جد اخجلتوني
بس والله محتاجة لمساعدتكم كثير

حبيبتي والله خليتي دموعي تنزل
لكن معليه هذا اختبار من ربك تحملي وصبري
انتي الحين اكبر وحده بخوانك تتوقعين هم لما يشوفونك دايما متضايقه وحزينه وعلى هالحال شنو راح تكون ردة فعلهم؟
انتي الحين قدوة اخوانك
صيري لخوانك قلب الام ولامك اخت
انتي مو تقولي حاولو تقضون وقتكم مع اامكم وابوكم ولا تزعلونهم
انت امك بعدها عايشه حاولي قد ماتقدرين تتقربين منها وفتحي لها قلبك ترا مافي مثل قلب الام ويمكن هي عصبيه كثير لان
وفاة ابوك ربي يرحمه مأثر عليها
انا مثلك اكبر وحده بخواني وامي اي شي يصير انا الي بالواجهه تعصب وتصرخ علي انا كأني انا السبب لكن بعد ماتهدأ اروح واكلمها بهدوء واقولها ان كنت غلطت سامحيني انا مالي غيرك ومن هذا الكلام
الام لما تشوف بنتها حانه عليها تتأثر كثير

انتي لازم تكوني متفائله عشان تكوني سعيده اكثر
خلي الابتسامه دائما على شفتك عشان يرجع الامل لك ولخوانك وامك

ع الخآآص لو سمحتـــي ..


اقري رسآلتــي ورسلي لي رد ...


مآودي الكل يشووفـ كلامــي معكـ ..


كل الشكر لكـ ..

مأقدر اقول الا الله

يعطيكم العافية والله

ويعآآفيكـ يآقلبـــي ..



حنآ مآقآعديـن نسووي الا الوآآجب ..


وان شآآ الله نقدر نفيدكـ قلبـــي ..