العاشقة
عدد المساهمات : 44 نقاط : 15945 تاريخ التسجيل : 23/11/2009
| موضوع: احلى موقف في احلى ايام العمر الثلاثاء نوفمبر 24, 2009 6:24 am | |
| --------------------------------------------------------------------------------
احلى مواقف في احلى ايام العمر
اليوم انا ابي ارجع بذاكره 13 سنه لورى ........
يوم كنت صف اول ابتدائي
احس اني بنقع من الضحك قبل لا اكتب الموقف الي صارلي بأول ابتدائي
ما ابي اطول بقول الموقف الي اصارلي
في يوم من الايام المنحوسه من ايام عمري قررت المس اني اقوم ع الصبوره واكتب
كلمه وحده فقط ....وقمت انا وقفت ع الصبوره تقولي المس اكتبي قلم وانا كاني ماسمعتها
لأني ما اعرف اكتب قلم انتي شوفيج ماتسمعين .......انا ساكته وامسك الطبشوره ...الله ع ايام الطبشوره
واكتب قلــ ووقف بعد ما اكتب هالحرفين وتقولي كملي ....انا ساكته ما اتكلم وشوي شوي ولا اقعد اصيح وافجر نهر من الدموع .....لأنها كانت تقولي يله اكتبي بصوت عالي وتصارخ وانا رقيقه وحساسه وايد ما اتحمل حد يرمسني جذي....والله مارحمتني دق الجرس وطلعو البنات ع الفسحه وانا بعدني اكتب قلـــ وامسح وقلــ وامسح ودموعي اربع اربع .............. هذا وانا ترتيبي الخامسه شو بسوي لوكنت في العشرينات............ والله الزوله ماترحم يعني انا كتبت حرفين تعطيني الحرف الثالث مجانا ........... بس ما اقول الا لو اني اجوفها الحين بسوي فيها جريمه
............والله كل ما اتذكر هالموقف افطس على عمري من الضحك
في موقف بعد يضحكني بس مب انا بطلته ...........ااخواتي الي اكبرعني هذا الموقف من ايام طفولتهن
اخواتي ما قد شفت اغبى عنهن >>>>>>> انتي ابد مافيج ذرة غباء ....كلمة قلم ماعرفتي تكتبينها
اخواتي هذيلا في ايام الصيفيه وعز الصيف يعون الفجر يجهزن شنطتة الرحله الصباحيه ويحطن فيها كل ما لذ وطاب من الا طعمه ويشلن علبة كلينس ................ وهذا هو لب الوضوع يطلعن من البيت بعد ما يقولن حق امي انهن بيلعبن عند الجيران ..... نحن فيه جدام بيتا مساحه كبيره فيها شجر كبير وصغير يعني منطقه بريه واسعه ......... الاخوات الكريمات ومايسير عند الجيران يروحن في هالمنطقه ويمتمشن فيها وكل ما مرا على شجره او بالمعنى الاصح نبته صغيره يغطنها بالكلينكس خايفات عليها من الشمس ويقولن ياحرام الشمس تعذبها لازم نحن نساعدها وعلى هذا الحال كل يوم ويقعدن ياحرام وياحرام مايعرفن انها تعيش بأشعة الشمس وهن الي يالسات يعذبنها ............
في مواقف كثير بس هذيلا الي طرو ببالي الحين واذا تذكرتي شي بسدحه هني
يله ابي موااقفكم الغبيه والمحرجه والمضحكه في ايام الطفوله والبراءه
غلا زااايـــــــــــــــــد
-------------------------------------------------------------------------------- | |
|