نجمات الليل (واحسيناااااه)

نجمات الليل (قصيده للحسين عليه السلام)

--------------------------------------------------------------------------------

يا نجمات الليل شوفن حال البيه
بس دمعاتي اتسيل وأتنطر يوميه
يمته ايردون الي ........... ناسي وگومي وهلي
يانجمات الليل
******************************

ارید ارسل مراسیلی ومنهو ایوصل المرسال
الهلی الطالت مسافتهم وبعیدعلیه هالترحـــال
شالو عنی وانه ابقیت وحیده ومنی راح البال
عافونی بآثــرهم لیشوعــــلیه النـــایبه تنهال
انوح ودمعتی بعینی ویومـــــیه عله هالمنوال
یا نجمات خبریهم عله حالی وقری هالــقوال

یایوم اتردون للطفـــله اتفرحوهه
مشتاقه وتدرون وللروح اتسلوهه
وهذا الهم ينجلي .............. بناسي وگومي وهلي
يا نجمات الليل
ـــــــــــــــــــــــــ ـــــــــــــــــــــــــ ـــــــــــــــــــ
سكن بيـــــه بعُــــد اهلي وعنــــــي ما اظنه ايروح
اون بالليـــل واتحسر واگظـــي الليل دمعه ونـــوح
طفله
اوحدي وسط الدار وعليه النايـــبات اتلـــوح
احاچي الدار هم يادار يردون وتــــردلي الـــروح
سكته وما ترد جواب وصدا الصيحات اليه اتبوح
اون الغربتي بهــــالدار مثل ونـــــة حمـــام الدوح

راحت تعمه العين من نوحي الفركاكم
ولو رديتو الحين بالروح اتفـــداكم
بس دماتي اتهلي ............. بناسي وگومي وهلي
ـــــــــــــــــــــــــ ـــــــــــــــــــــــــ ـــــــــــــــــــــــ
اصد يا ليــــــل للمحراب ومحراب الابو خــــالي
وين الي يصلي بيك احـــــچي وريحـــــه البـــــالي
يوميــــــه اكلم بيـــــــك ارحم غربتـي وحــــــالي
انـــشدك عن ابويه حســـــين جــــاوب ذاب دلالي
عليله ارحم زغر سني وجسمي من المرض بالي
اشتاگيت الهلي ياليل وغير النــــوح ابـــد مـــالي
ما احمل والله فرگـــاگم يوميــــه
ولايمكن انساه ذكر اهلي وطاريه
وليش بهم تبتلي ............ ناسي وگومي وهلي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ
يا نجمات خبري اهلي وذكريهم عله الجيه
وحيده بدارهم ظليت وعليهم عـــيني اربـيه
منتظره علي الاكبر وابو فاظــل يمر بــيه
اعاين عالدرب كل ساع واناطر انه يوميه
هلي طولتو غيبتكم ذبحني الغرب طــاريه
هم يوم وتمرونـــــي وتذكرون الكــــم بنيه
مو گلتو اتمرون ليه ومـــاتنسوني
وردود اترجعون واتفرحون عيوني
ايرد عباس وعلي .............. وناسي وگومي وهلي
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
اريد اخبار عن اهلي منهو ايجيبلي الاخــــبار
نخيت الگمر والنجمات ونخيت الغيم والامطار
بس ماكو خبر منهم وعليهم گلــبي شــــب بنار
هلي ما اعتقد ينسون طفــله وتاركـــيهه بــــدار
السفر ما ظن ينسيهم اخافن صادفــــت اخطــار
الهلي منهو اليوديني واشوف عليهم الي صــار
ارد اعرف يا ناس شنــهو الصار عليهم
وصاير عندي احساس الاخطار اتلاگيهم
يا نجمات اسئلي ............. ناسي وگومي وهلي
ـــــــــــــــــــــــــ ـــــــــــــــــــــــــ ــــــــــــــــــــــــ
هواجس بيه عن اهلي ولجلهم ما تهيد العين
راحو وابعدو عني وخذاهم من اديه البــــين
اناشد عن ابو فاظل وعن امي وابويه حسين
والسجاد وام كلثوم وعبد الله الطفل چا وين
منهو الي يرجعـهم هلي لديـــارهم طيبــــين
نذر انذر اله عمري لو ردو هلي بهالحيــن
انثر بيه ورود درب الي يرجعهم
وبگلبي المـكسور اوگف واستقبلهم
ويعيد منزلي .......... بناسي وگومي وهلي

» <:: نجمات زيني بها سمائك::>
» وشوٍ تسسوي لو جع ـت بنصٍ الليل ..\/
» أمد كفوفي لــ{ ربي} و سوآد الليل يخفيني ..